၃၁ ။ အမွေပြတ်စွန့်လွှတ်ခြင်း

၃၁ ။ အမွေပြတ်စွန့်လွှတ်ခြင်း

ခိုင်လေး (ရွှေတောင်)

၃၁ ။ အမွေပြတ်စွန့်လွှတ်ခြင်း ( 2012 ခုနှစ်က အဟောင်းလေးပါ )

ခိုင်လေး (ရွှေတောင်)

မကြာမကြာ တွေ့နေရသည့် စကားစုလေး တစ်ခုအား ဖတ်မိချိန်တိုင်း ကျွန်မခေါင်းထဲသို့ အတွေးစတွေ ၀င်ရောက်လာတတ်ပါသည်။ အမွေပြတ်စွန့်လွှတ်ခြင်း  ဟူသော ခေါင်းစဉ်လေးတွေအား သတင်းစာတွေထဲ မကြာခဏဆိုသလိုဖတ်မိနေရသည်။ ဖတ်မိတိုင်းလည်း ၀င်လာမိသည့် အတွေးတွေကဖြင့် တစီတတန်းကြီးပါပဲ ။ရင်နှစ်သည်းချာ သားသမီးတွေအား အမှန်တစ်ကယ် ပြတ်နိုင်ကြလို့လား။

ဒါမှမဟုတ် တဒင်္ဂကရုဏာ ဒေါသတွေကို မထိန်းနိုင်ကြလို့ ထည့်ကြခြင်းမျိုးလား ။ ခဏခဏတွေးဖြစ်ပေမဲ့ သေချာတိကျသော အဖြေကိုဖြင့် မရခဲ့ပါဘူး ။ ဒီလိုသတင်းလေးတွေ ထည့်ရသော အကြောင်းအရာလေးတွေလည်း ရှိနေမှာပါ ။ တစ်ခါတစ်လေမှာ သားသမီးတွေက အရမ်းဆိုးခြင်းကြောင့်သော်လည်းကောင်း ၊ မိဘ၏ အရှိန်အ၀ါဖြင့် သူတို့အား ယုံကြည်စွာ ငွေကြေး ချေးငှားနေကြသူတွေ ပြဿနာများအား လိုက်ရှင်းပေး ကာကွယ်ပေးနေကြသူတွေ အများပြားရှိနေနိုင်သည် ။ ထိုအခါမျိုး၌ မိဘတွေအနေဖြင့် မိတ်ကောင်းဆွေကောင်းများနှင့် မိတ်တု ဆွေတုများအား  ဟန့်တားသည့် အနေဖြင့် အမွေပြတ်ခြင်း နည်းလမ်းများကို အသုံးပြုကြရပေသည်  ။ နောက်တစ်ခုက လုံးဝသဘောမတူနိုင်သူနှင့် လက်ထပ်ခြင်း ၊ လူမှုရေး ဂုဏ်သိက္ခာ ကျဆင်းအောင် ဆောင်ရွက်ခြင်းများအား အကြိမ်ကြိမ် ဆောင်ရွက်လာခဲ့လျှင် လည်း အမွေပြတ်စွန့်လွတ်ခြင်းအမှု့အား ဆောင်ရွတ်တတ်ပြန်သည်။

အမှန်တကယ်မှာဖြင့် နောက်ဆုံးအချိန်၌ မိမိတို့ သားသမီးများအား ပစ်မထားနိုင်ကြပါဘူး ။  အဓိကအချက်ကတော့ သူတို့မကြိုက်သည့်ကိစ္စရပ်တွေအား လုံးဝမလုပ်နိုငတော့အောင် အားလျော့သွားအောင် လုပ်လိုက်သည့် သဘောဆိုတာကို ကျွန်မနားလည် လက်ခံပါသည်။ သို့သော်လည်း အမွေပြတ်စွန့်လွှတ်ခြင်း ဆိုသော သတင်းတွေကိုဖြင့် လုံးဝမဖတ်ချင်ပါ ။ ဒီတခါလည်း အမွေပြတ်စွန့်လွှတ်ခြင်း ဆိုတဲ့ခေါင်းစဉ်လေးတစ်ခုအား ဖတ်နေမိပြန်သည်။ ယခုတစ်ခါ ဖတ်ရသည်က သူငယ်ချင်းအရင်းကြီး တစ်ယောက်အား သူ့မိဘများမှ အမွေပြတ်စွန့်လွတ်လိုက်ခြင်းဖြစ်သည် ။ထိုသတင်းအား သတင်းစာထဲ၌ ပါလာခြင်းကြောင့် ဖတ်နေမိခြင်းပင် ။ ဒီတစ်ခါမှာဖြင့် သတင်းလေးနှင့် ခေါင်းစဉ်လေးအား ဖတ်ပြီးချိန်၌ သေချာစွာ တွေးမိပါတော့၏ ။ လောက၌ စွမ်းအားအကြီးမားဆုံးဖြစ်သည့် မေတ္တာတရားဆိုသော သိမ်မွေ့နူးညံ့သည့် ခံစားချက်တစ်ခုဖြစ်ပေသည် ။ မိဘဆိုသော လူသားတွေရင်ထဲက၌ ရှိကုန်သော သားသမီးအပေါ်ထားသည့် ချစ်ခြင်းမေတ္တာ တရားအား သတင်းစာဖြတ်ပိုင်းထဲရှိ အမွေပြတ်စွန့်လွှတ်ခြင်း   ဆိုသော ခေါင်းစဉ်လေးတစ်ခုဖြင့် ဖြိုခွဲပြောင်းလဲပစ်၍ ရနိုင်ရိုးလား ။

ကျွန်မတို့ လူသားတွေ ကိုယ်ကိုကိုယ် ညာနေကြခြင်းပါ ။ သေချာသည့် အဖြေတစ်ခုအား ကျွန်မ ရရှိလိုက်သည်။ အမှန်တကယ်တစ်ကယ်မှာ အတ္တတွေဖြင့် ရင်ထဲ၌ရှိနေသော ခံစားချက်များအား ကြေငြာချက်လေးဖြင့် ခဏတာ ဖုံးကွယ်လိုက်ခြင်းပါပဲ ။ မိဘနှင့်သားသမီးကြား ရှိနေသည့် သံယောဇဉ် မေတ္တာကြိုးအား မည်သည့်ကြောငြာဖြတ်ပိုင်းလေးကမှမဖြတ်နိုင်တောက်နိုင်ပါ ။ အမွေဆိုသည်မှာ စံထိုက်မှ စံစားရသည့် အရာမျိုးပါ ။ သိပ်ကို ဆိုးတဲ့သားသမီးများအား မိဘမှ အပြစ်ပေးဒဏ်ခတ်တယ်ဆိုရင်လည်း တစ်ခြားနည်းမျိုးဖြင့်သာ ဒဏ်ခတ်စေချင်မိပါသည် ။  အမွေဆိုသည်မှာမိဘမှ သားသမီးအား ပေးမှ (သို့မဟုတ်) မိဘတွေ မရှိတော့သောအခါမှသာ ရနိုင်မည့် အရာမျိုးပါ ။ သတင်းစာထဲ လူသိရှင်ကြားထည့်ကြေငြာနေဖို့ မလိုအပ်ပါဘူး ။ ပေးချင်လည်း ပေးခဲ့လို့ရသလို ၊  မပေးချင်လည်း အကုန်လှူဒါန်းခဲ့လို့ရနိုင်ပါသည်။ ကြေငြာတွေထည့်ပြီး သေသည့်တိုင်အောင် ပြန်မခေါ်တာမျိုး လူ ၁၀၀ မှာ တစ်ယောက်လောက်သာရှိနိုင်ပါသည်။ အချိန်တန် သောအခါ ပြန်ခေါ်ကြသည်က များပေသည် ။ ထိုအခါ၌သတင်းစာထဲပါရှိခဲ့သော အမွေပြတ်စွန့်လွှတ်ခြင်း ဆိုသည့်ကြေငြာမှာ ရယ်စရာလို ဖြစ်သွားတတ်တွေချည်းပါပဲ ။ မိဘနဲ့ သားသမီးကြား ရှိနေသည့်ချစ်ခြင်းမေတ္တာ တရားဆိုသည်မှာ လောက၌ သိပ်ကိုအင်အားကြီးမားသော ခံစားချက်လေးတစ်ခုပင် ။  ဘယ်သူအတွက်မှအဓိပ္ပါယ် မရှိသောအမွေပြတ်စွန့်လွှတ်ခြင်း ဆိုသည့်  ကြောငြာတွေအား ဖြစ်နိုင်ရင် နောက်ထပ် မဖတ်ပါရစေ နှင့်ဟု ကျွန်မရင်ထဲ  ကြိတ်ခါဆုတောင်း နေမိပါတော့သည်။