ခိုင်လေး တာဝန်ယူထားတဲ့ အင်တာဗျူး အစီစဉ်လေးကို တင်ဆက်ဖို့ အလှည့်ကြလို့ လာပြန်ပါပြီရှင် ။ ဘယ်သူကို မေးမြန်းရမလည်းလို့စီစဉ်တော့ ခိုင်လေးလေးစားအားကျရတဲ့ မမတစ်ယောက်ကို မေးမြန်းဖို့ ရွေးချယ်လိုက်မိပါသည်။ မမကို အဆက်သွယ်လုပ်ဖို့
ကြိုးစားရချိန်မှာ ခိုင်လေး ကမ်းလှမ်းချက်ကို လက်ခံဖို့ဆိုတာ ခိုင်လေး အကောင့်လေးကို လက်ခံမှ ဖြစ်မှာလေ ။ မျှော်လင့်ခြင်းများစွာနဲ့
မမအကောင့်လေးကို အပ်လိုက်မိဧ။်။ မမကပြန်လည် လက်ခံလိုက်ချိန်မှာ အရမ်းကို ပျော်မိတယ်ဆို ပိုတယ်လို့ ထင်ကြပါလိမ့်မယ် ။
မမကိုအင်တာဗျူးလုပ်ချင်တဲ့ အကြောင်းလေး ပြောတော့ သဘောကောင်းဖော်ရွေတဲ့ မမက ခိုင်လေးမေးတဲ့ မေးခွန်းလေးတွေကို
စိတ်ရှည်စွာအချိန်ပေး ပြန်ဖြေပေးခဲ့တဲ့ ဆရာမ မြသွေးနီကို ရွှေမြန်မာဥယျာဉ်မိသားစု ၀င်တွေအတွက်ခုလို မေးမြန်းခဲ့ပါသည်။
မမရေမင်္ဂလာပါရှင်။ခိုင်လေးတို့ရွှေမြန်မာဥယျာဉ်
အတွက်အင်တာဗျူးလေး လုပ်ချင်လို့ပါ ရှင်။
မင်္ဂလာပါ ညီမ။ပထမဆုံး မမ မိသားစုလေးနဲ့ မိတ်ဆက်ပေးပြီး အခုလောလောဆယ် မမ
ရှင်သန်နေတဲ့ အကြောင်းအရာလေးကို သိပါရစေ။
ကျွန်မက တွယ်တာချစ်ခင်ရတဲ့၊ ကျွန်မကို တွယ်တာချစ်ခင်တဲ့ သာမန် မိသားစုဘ၀လေးကို
ကျွန်မ တည်ဆောက်ခွင့် ရထားပါတယ်။ ဒီမိသားစုလေးမှာ မိသားစုဝင် သုံးယောက်လုံး
အပြန်အလှန် လေးစားစိတ်မှု၊ တန်ဘိုးထားမှုနဲ့ ရှင်သန်ရပ်တည်နေပါတယ်။
မမ ဘလော့ဂါ စာရေးသူတစ်ယောက် ဖြစ်လာခဲ့ပုံလေးကို ပြောပြပေးပါအုံးနော် ။အွန်လိုင်းပေါ်စာမရေးခင် ကျွန်မ တက္ကသိုလ်ကျောင်းသူဘ၀ ၁၉၉၀လောက်မှာ
ပေဖူးလွှာမဂ္ဂဇင်းမှာ ကဗျာ၊ ၀တ္တုတိုလေးတွေ သုံးပုဒ်လောက် ဖော်ပြခံခဲ့ရဘူးပါတယ်။
အဲ့ဒီနောက်ပိုင်း မရေးဖြစ်တော့ပဲ စာတွေသာ တွင်တွင်ဖတ်ခဲ့ပါတယ်။ အွန်လိုင်းမှာ စာတွေ
ရေးလို့ရတယ်လို့ သိလာချိန်မှာ စာရေးချင်စိတ်တွေ ပြန်ရုန်းကြွလာပြီး ၂၀၀၉ခုနှစ်
အောက်တိုဘာလမှာ စတင်ရေးဖြစ်ခဲ့တာ အခုအချိန်ထိပါဘဲ။
ဘလော့ဂါ တစ်ယောက်က မဂ္ဂဇင်းစာမျက်နှာတွေပေါ်က စာရေးဆရာတွေထက်
ပိုပြီးဝေဖန်ခံရတယ်နော်မမ။ကော်မန့်တွေမှာ
တချို့ကော်မန့်တွေက ဝေဖန်တယ်ဆိုတာထက် ပုဂ္ဂိုလ်ရေး
ထိခိုက်ပြီး စာရေးချင်စိတ်တွေ ပျောက်ဆုံးကုန်ထိ ဆိုးတဲ့ ကော်မန့်တွေကို
မကြာခဏဆိုသလို တွေ့နေမြင်နေရပါတယ် မမ ။ မမရော ဒါမျိုးတွေကို ကြုံခဲ့ရဘူးလားမမ ။ အဲဒီလို
ကြုံခဲ့စဉ် မမ ဘယ်လို စိတ်မျိုးထားခဲ့တယ်ဆိုတာလေးကို တက်သစ်စ ဘလော့ဂါလေးတွေ
အတုယူရအောင်ပြောပြပေးပါအုံးနော် ။
အစ်မအနေနဲ့ကတော့ အခုအချိန်အထိ ထူးထူးခြားခြား ဝေဖန်ခံရတာမျိုး မရှိသေးပါဘူး။
အပြုသဘောနဲ့ ဝေဖန်တာမျိုးကို စာရေးသူများကလည်း လက်ခံသင့်ပြီး၊
ဝေဖန်သူကိုယ်တိုင်ကလည်း ပုဂ္ဂိုလ်ရေး ဝေဖန်မှုမျိုးထက် ရေးထားတဲ့ စာအပေါ်မှာ
စေတနာနဲ့ ဝေဖန်တာမျိုး ဖြစ်သင့်ပါတယ်။
ဇာတ်လမ်း၊ ကဗျာ၊ ဆောင်းပါးတစ်ခုကို ရေးတော့မယ်ဆို စိတ်ကူးတွေကို ဘယ်လို
အစတည်တယ်ဆိုတာလေးလည်း ပြောပြပေးပါအုံး မမ။
စိတ်ကူးယဉ်ဇာတ်လမ်းတွေ ရေးရတာ ကျွန်မအတွက် ခဲယဉ်းပါတယ်။ ကျွန်မရဲ့
ပတ်ဝန်းကျင်က အကြောင်းအရာတွေက ကျွန်မရဲ့ စိတ်နှလုံးကို ရိုက်ခတ်လာပြီဆို၊
အ၊ဲ့ဒီအပေါ်မှာ အခြေပြုပြီး ကျွန်မစာတွေ ရေးဖြစ်ခဲ့တာ များပါတယ်။ စိတ်ကူးထဲမှာ
သေချာတွေးလို့ ၀သွားပြီဆိုရင် ကွန်ပျူတာနဲ့ လက်တမ်း ချရေးလိုက်တာပါဘဲ။
စိတ်ကူးတဲ့အချိန်က ချရေးလိုက်တဲ့ အချိန်ထက် ပိုကြာမြင့် တတ်ပါတယ်။
မမ ဘယ်ချိန်တွေမှာ စာရေးတတ်လဲ ။စိတ်ကူးထဲမှာတော့ အမြဲ ရေးနေမိတတ်ပါတယ်။ လက်နဲ့ချရေးဖြစ်တာကတော့ လူခြေတိတ်တဲ့
ညပိုင်းတွေ မှာပါ။ တိတ်ဆိတ်နေတဲ့အချိန်မှာ စာရေးရတာ ပိုအရသာ တွေ့တတ်ပါတယ်။
မျှဝေခံစားမှုဆိုတဲ့ စကားလေးက ယနေ့ အင်တာနက်အတွက်
မိတ်ဖိတ်စကားလေးလို့ ဆိုခဲ့မယ်ဆိုရင် မမ လက်ခံနားလည်တဲ့ မျှဝေခံစားခြင်းဆိုတဲ့
အဓိပ္ပာယ်လေးကို သိပါရစေရှင်။
မျှဝေခံစားခြင်းဆိုတာ မိမိရဲ့ (ဒါမှမဟုတ်) မိမိသိရှိလာတဲ့ အကြောင်းအရာတွေကို
တခြားသူများသို့ ပေးသိစေခြင်းလို့ အဓိပ္ပါယ်ဖွင့်ရမယ် ထင်ပါတယ်။ နည်းပညာတွေ
ထွန်းကားလာတဲ့အခါမှာ အွန်လိုင်း အသုံးပြုသူတွေ ပိုမိုများပြားလာပါတယ်။
ကွန်ယက်တွေကလည်း ပိုမို ကျယ်ပြန့်လာပါတယ်။ အခု Facebookမှာ ရေးထားတာတွေဆို
Likeတစ်ခါနှိပ်ယုံ၊ Share တစ်ခါနှိပ်ယုံနဲ့ ဖောဖောသီသီ ပျံ့နှံ့နိုင်ပါတယ်။ အင်တာနက်ကနေ
မိတ်ကောင်းဆွေကောင်းတွေလည်း ရလာနိုင်ပါတယ်။ သုတ၊ ရသ၊ ဗဟုသုတ၊ နိုင်ငံရေး
အကုန်မျှဝေသိရှိနိုင်ပါတယ်။ ပြန်လည်မျှဝေရာမှာလည်း မူရင်း အားထုတ်သူရဲ့ နာမည်၊ လင့်ခ်နဲ့တကွ
ခရက်ဒစ်ပေးပြီး လိပ်ပြာသန့်စွာ မျှဝေပေးသင့်ပါတယ်။
မမ ဘ၀မှာ အဖြစ်ချင်ဆုံး ဆိုတဲ့ အရာကို လက်ဝယ်ပိုင်ပိုင် ရရှိခဲ့ပြီးပြီလားမမ။ကျွန်မအဖြစ်ချင်ဆုံး စာရေးသူတစ်ယောက်ဘ၀ကိုတော့ အခုအချိန်မှာ လှမ်းခွင့်နေပြီလို့
ထင်မိပါ တယ်။
မမရင်နစ်သည်းချာလေးအတွက် မမထားရှိတဲ့
မိခင်တစ်ယောက်ရဲ့ မျှော်လင့်ချက်လေးကို သိခွင့်ရမလား မမ။
အများကြီး မမျှော်လင့်ထားပါဘူး။ အခြေခံကျတဲ့ ကိုယ်ချင်းစာနာစိတ်နဲ့ ဘ၀ကို
ကိုယ့်ဒူးကိုယ်ချွန်ပြီး ရိုးသားစွာ ကျော်ဖြတ်နိုင်ဖို့ပဲ မှာကြားထားပါတယ်။
မမ ခံယူထားတဲ့ ဘလော့ဂါ တစ်ယောက်ရဲ့ စိတ်ဓာတ်လေးကိုလည်း သိပါရစေ။ကျွန်မခံယူထားတာကတော့ ဘလော့ဂါမှ မဟုတ်ပါဘူး၊ စာရေးသူတိုင်း မိမိရေးတဲ့စာကို မိမိ
တာဝန်ယူရပါမယ်။ မိမိရေးတဲ့ စာဟာ စာဖတ်သူပေးလိုက်ရတဲ့ အချိန်နဲ့ ထိုက်တန်တဲ့ စာမျိုး၊
အဆိပ်အတောက် မဖြစ်စေမယ့် စာမျိုးဖြစ်ရပါမယ်။
မဖြစ်နိုင်ဘူးဆိုတာ မကြိုးစားလို့ပါပဲ ဆိုတဲ့ စကားလေးအပေါ် မမ အမြင်လေးကို
သိပါရစေ ။
ခြေတစ်လှမ်း စတင်လှမ်းဖို့ ခြေဖ၀ါးတောင် မကြွပဲနဲ့ ခရီးက ဝေးလိုက်တာလို့
ငြီးငြူနေမယ့်အစား၊ အခုချက်ချင်းပဲ ခြေလှမ်းတစ်လှမ်း စတင်လှမ်းလိုက်ပါ။ ပန်းတိုင်က
သင့်ကို စောင့်နေပါလိမ့်မယ်။
.ပျော်ရွင်မှု ရဲ့ လျှို့ဝှက်ချက်က ဘယ်အရာလို့ မမသတ်မှတ်ထားပါသလားရှင်။ပျော်ရွှင်မှုရဲ့ လျို့ဝှက်ချက်က စာနာစိတ်ဖြင့် ရိုးသားစွာ နေထိုင်ခြင်းလို့ မြင်ပါတယ်။ မိမိရဲ့
ကောင်းမွန်သော လုပ်ဆောင်ချက်တိုင်းသည်လည်း မိမိရဲ့ပျော်ရွှင်မှုပါဘဲ။ မိမိကိုယ်တိုင်
ပျော်ရွှင်နိုင်မှ အခြားသူတွေကိုလည်း အပျော်တွေ ကူးစက်မျှဝေနိုင်မှာပါ။
ဘ၀မှာ အခက်ခဲဆိုတဲ့ အရာကို လူတိုင်းကြုံတွေ့ ခံစားဖူးမယ်လို့ ထင်ပါတယ်။
အဲဒီလို အခက်ခဲတွေ စိတ်ဓာတ်ကျစရာတွေကို ရင်ဆိုင်ရချိန်မှာ မမဘယ်လို
စိတ်ထားမျိုးတွေနဲ့ ကြံ့ကြံ့ခိုင်လျှောက်လှမ်းခဲ့တယ်
ဆိုတာလေးကိုလည်း ပြောပြပေးပါနော်။
တစ်ကြိမ် လဲကျတိုင်းမှာ လူးလဲထရင်း ကိုယ့်ကိုယ်ကို ယုံကြည်မှု တစ်ကြိမ် ရရပါတယ်။
အကြိမ်ကြိမ် လဲကျတိုင်း ရရှိခဲ့တဲ့ ဒဏ်ရာအမာရွတ်တွေက ဘ၀နဲ့၊ အတွေ့အကြုံများနဲ့
ရင်းပြီး ရခဲ့တဲ့ တစ်သက်စာ ဆုတံဆိပ်များပါဘဲ။ အမာရွတ်တစ်ခုခြင်းစီမှာ ကိုယ်တိုင်
အောင်မြင်စွာ ဖြတ်ကျော်ခဲ့ရတဲ့ အကြောင်းရင်းတွေ ရှိနေပြီး၊ နောက်ပြန်လှည့်ကြည့်တဲ့
အချိန်တိုင်းမှာ ခွန်အားတွေ ဖြစ်စေရပါတယ်။
အွန်လိုင်းရွှေဝတ္တုတိုဆုလေးကို ပိုင်ဆိ်ုင်ရခဲ့စဉ်က မမရင်တွင်း
အပျော်လေးတွေကို ပြန်လည် မျှဝေးပေးပါအုံးရှင်။
အွန်လိုင်းရွှေဝတ္တုပထမဆု ရရှိခဲ့ချိန်က ပျော်ရွှင်ခဲ့ရပါတယ်။ စာပေနယ်က အစဉ်အလာရှိသူ၊
လေးစားရတဲ့ ဆရာကြီး ဆရာမကြီးများကိုယ်တိုင် ရွေးချယ်ပေးခဲ့တာမို့ ဒီဆုကို
အလွန်တန်ဖိုး ထားမိပါတယ်။
လုံးချင်းစာအုပ်လေး တစ်အုပ်အဖြစ် ပထမဆုံးပုံနှိပ်ဝတ္တုလေးဖြစ်တဲ့
အိမ်မက်ကောက်ကြောင်း ဆိုတဲ့ စာအုပ်လေးကို မြင်လိုက်ရစဉ် ငါကိုယ်တိုင်ရေးတဲ့
စာပေမှတ်တိုင်လေးဆိုတဲ့ အသိနဲ့ ခံစားရတဲ့ ခံစားချက်လေးကိုလည်း သိပါရစေ
မမ။
စုစည်းခဲ့ပါတယ်။ ဒီစာအုပ်လေးက ကုန်လွန်ခဲ့တဲ့ ကျွန်မရဲ့ညတွေတိုင်းမှာ အမြဲကြီးစိုးခဲ့တဲ့
အိပ်မက်ကလေးပါ။ ပထမခြေလှမ်းဖြစ်တဲ့ ဒီအိပ်မက်ကလေး သက်ဝင်လာချိန်မှာ
အတိုင်းမသိ ပီတိဖြစ်မိရပါတယ်။
နောက်ထပ် စာပေလှုပ်ရှားမှုများ ရှိဦးမယ်ဆိုရင်လည်း ပြောပြပေးပါဦး။လက်ရှိ “ teen Magazine - ဖူးငုံဆယ်ကျော်သက်မဂ္ဂဇင်း ” မှာ အွန်လိုင်းက
ဖော်ပြပေးနေဖြစ်ပါတယ်။ ပုံနှိပ်မဂ္ဂဇင်း အချို့မှာလည်း ၀တ္တုတိုလေးတွေ
ကြိုကြားရေးနေဖြစ်ပါတယ်။ ဒီနှစ်ထဲမှာပဲ ကျွန်မရဲ့ဒုတိယခြေလှမ်း ဖြစ်မယ့် “
အသိသစ်တံခါးချပ်များ ” စာအုပ် ထွက်ဖို့ ပြင်ဆင်နေပါတယ်။ တတိခြေလှမ်းအနေနဲ့က
မဂ္ဂဇင်းဝတ္တုတိုများ စုစည်းပြီး ထွက်ဖို့ စီစဉ်ထားပါတယ်။
ခိုင်လေးတို့ လို ၀ါသနာရှင် စာရေးသူတွေ အတွက် မမရဲ့ အားပေးစကား
လက်ဆောင်လေး ကိုလည်း ကြားပါရစေမမ။
ကျွန်မရဲ့ဆရာကြီး လူထု(ဦး)စိန်ဝင်းက “ စာကောင်းကောင်းနိုင်ချင်ရင် စာတွေ
များများဖတ်ကြည့်ပါ။ စာတွေ များများရေးကြည့်ပါ။ ခေတ်ကို မျက်ခြေပြတ်မခံပါနဲ့၊
မိမိပတ်ဝန်းကျင်ကို လျစ်လျူမရှုထားပါနဲ့၊ ရေးစရာတွေက ပတ်ဝန်းကျင်မှာပဲ
ရှိနေတတ်ပါတယ် ” လို့ မှာကြားဘူးပါတယ်။ စာဖတ်နာလေ စာရေးရာမှာ များစွာ
အထောက်အကူ ပြုလေပါဘဲ။ မျက်စိကိုဖွင့် နားကိုစွင့်ထားစေချင်ပါတယ်။ ရပ်တန့်မနေပဲ
ဇွဲရှိရှိနဲ့ အရှိန်မပျက်သွားပါလို့ ကိုယ်တွေ့နဲ့ရင်းပြီး စကားလက်ဆောင် ပါးချင်မိပါတယ်။
ခိုင်လေးတို့ ရွှေမြန်မာဥယျာဉ်အပေါ် မမအကြံပြုချက်လေး ပြောပြပေးပါအုံးနော်။အဖွဲ့ဝင်တွေအများကြီးနဲ့ အောင်မြင်နေတဲ့ ရွှေမြန်မာဥယျာဉ်မှာ လူငယ်တွေအတွက် ရသ၊
သုတ၊ ဗဟုသုတ၊ ပျော်စရာတွေအပြင်၊ စာဖတ်သူတွေအတွက် အသစ်အသစ်တွေ
ဖန်တီးပေးနေတာ သဘောကျမိပါတယ်။ ဆိုက်ရဲ့ Main Pageကို ယခုထက် ရှင်းလင်းတဲ့
နေရာချမှုနဲ့၊ စာဖတ်လို့ ကောင်းမယ့် အရောင်လေးနဲ့ မြင်ရမယ်ဆိုရင် မန်ဘာတွေ
အသုံးပြုရတာ၊ ရှာဖွေရတာ ပိုမိုလွယ်ကူ အဆင်ပြေမယ်လို့ မြင်မိပါတယ်။
ခုလို မအားလပ်တဲ့ ကြားက အချိန်ပေးဖြေကြားပေးတဲ့ မမကို
ခိုင်လေးတို့ ရွှေမြန်မာ ဥယျာဉ်မိသားစုမှ အထူး ကျေးဇူးတင်ပါတယ်ရှင်။
ကျွန်မကလည်း အခုလို အင်တာဗျူးဖို့ဆက်သွယ်လာတဲ့ ညီမခိုင်လေးကိုရော၊ ရွှေမြန်မာဥယျာဉ်က
Site Adminများနဲ့တကွ မန်ဘာအားလုံးကို ကျေးဇူးအထူးတင်မိပါတယ်
မမ မြသွေးနီရဲ့စာတွေ ဖတ်နိုင်မယ့်၊ မမ ကို ဆက်သွယ်လို့ရနိုင်မယ့် နေရာလေးတွေWebsite : www.myathwayni.com
Facebook Fan Page : မြသွေးနီ
Email : myathwayyni@gmail.com
ခိုင်လေး အင်တာဗျူး အစီစဉ်လေးကို
ကျေနပ်ကြမယ်လို့ မျှော်လင့်မိပါတယ်ရှင်။
ရွှေမြန်မာ မိသားစုဝင်များ
စိတ်ချမ်းသာ ၊ ကိုယ်ကျန်းမာကြပါစေ။
ခိုင်လေးတို့ ဥယျာဉ်လေးထဲမှာ ပူလောင်မှုကင်းစွာ
အေးချမ်း ပျော်ရွင် ၊ ချမ်းမြေ့ကြပါစေ ရှင်။
အချစ်ကို ကိုးကွယ်သူလေး
No comments:
Post a Comment