ဤ
ကွန်းခိုရာလေးကို ကျွန်မသိပ်မြတ်နိုးနေမိပါပြီ
။
April-Living Fashion မဂဇင်းတွင်ပါဝင်သော
*
မင်းကိုယ်တိုင် မသိအောင် လျှို့ဝှက်ထား ၊ ရင်တွေခုန်တတ်စအရွယ်
ငယ်ဘ၀မှာ
ငါ
ချစ်တတ်စိတ်ဟာ ဆန်းကြယ်စွာ ပိုင်ဆိုင်ခြင်းရဲ့ တစ်ဘက်မှာ ကျန်ရစ်ခဲ့ ........ *
အလန်းပေးထားသော သီချင်းသံကြောင့် ကျင့်သားရနေသည့် ကျွန်မမျက်လုံးတွေ ပွင့်လာရ၏ ။
ပြန်အိပ်ချင်ပေမယ့် ဒီချိန်လေးကို ကျွန်မ နှမြောနေမိသည် ။ ထိုကြော့်မထချင်ဘဲ ထလာခဲ့ရပါသည်
။ ဒီချိန်လေးကို ကျွန်မဆက်အိပ်နေမည်ဆိုလျှင် ကျွန်မအတွက် တစ်ယောက်တည်းနေရချိန်တွေ ပို၍များပြားလို့နေပေမည်။
မကြာခင်အလုပ်သွားရတော့မည့် ခင်ပွန်းသည်နှင့် ကျွန်မတူတူ နေရချိန်သည် အင်မတန်ရှားလွန်းသည်
။ ထိုကြောင့် မှိတ်ချင်နေသေးသည့် မျက်လုံးအစုံကို အတင်းပြူးကာ ရေချိုးခန်းဆီသို့ ဦးတည်လိုက်သည်
။ အမှန်တကယ်တော့ ကျွန်မ ဒီအချိန်ထခြင်းသည်သာ အသင့်လျော်ဆုံးဖြစ်ပေသည် ။ ဒီအိမ်လေးမှာ
အိမ်သာ ရေချိုးခန်းတွဲလျှက် နှစ်ခန်းသာပါဝင်သည် ။ ဒီအခန်း နှစ်ခန်းကို အလှည့်ကြသုံးစွဲကြရသည်
။ ကျွန်မတို့ ဇနီးမောင်နှံနေထိုင်ရာ အခန်းတွင် ရေချိုးခန်း တပါတည်းပါဝင်တာမို့ ကျွန်မအတွက်တော့
အရမ်းအဆင်ပြေသည် ။ ကျွန်မတို့အခန်းထဲမှာ ရှိနေသော်လည်း ကျွန်မတို့ချည်း သုံးလို့မရပါ
။ မလေးတရုတ်ရယ် ၊ ကျွန်မတို့လင်မယားရယ် သုံးယောက် သုံးစွဲရသည်။ မနက်ဆိုရင် ကျွန်မက
အစောဆုံးထ ကိုယ်လက်သန့်စင် မျက်နှာသစ်ပြီးတာနဲ့ အမျိုးသားထရပါသည် ။ အမျိုးသားပြီးတာနဲ့
မလေးတရုတ် ထသည် ။ အကယ်၍ တယောက်ယောက်က နောက်ကျခဲ့ရင် စောင့်ပေတော့ပဲ ။ ကျွန်မ နောက်ကျနိုးခဲ့မိလျှင်
အားလုံးအလုပ်သွားချိန်ကျမှ ရေချိုးခန်းကို သုံးခွင့်ရသည် ။ ဒါနေ့စဉ် မနက်ခင်းအချိန်ဇယားလေးပါပဲ
။
ကျွန်မ အမျိုးသား၏ အလုပ်ရှင်
ငှားပေးထားသော ဒီကွန်ဒိုတိုက်ခန်းလေးတွင် ကျွန်မအပါဝင် မြန်မာလူမျိုးချည်း ၅ယောက် ၊
မလေးရှား တရုတ်လူမျိုး တစ်ယောက် ပေါင်း၆ယောက်တိတိ နေထိုင်ကြသည် ။ တခြားသူတွေအနေနဲ့
ဒီအိမ်လေးကို ဘယ်လိုသဘောထားသည် ကျွန်မ မသိပါ ။ ကျွန်မအတွက်တော့ ထိုအိမ်လေးသည် ကျွန်မ၏ကွန်းခိုရာလေးပင်
ဖြစ်သည် ။ မည်သူငှားပေးသည်ဖြစ်ပါစေ ကျွန်မနေထိုင်ရာနေရာသည် ကျွန်မ အိမ်ဂေဟာလေးပင်ဖြစ်သည်
။ ဒီစိတ်တစ်ခုဖြင့် ဒီအိမ်ဂေဟာလေးကို အစဉ်သန့်ရှင်း သပ်ရပ်နေအောင် ကျွန်မပြင်ဆင်တတ်သည်
။ ကျွန်မ မလေးရှားကို စရောက်ပြီး အမျိုးသားဆီမှာဘဲ နေတော့မည်လို့ ဆုံးဖြတ်လိုက်ချိန်က
အစပြုလို့ ဒီအိမ်လေးသည် ကျွန်မအတွက် ကွန်းခွန်ရာလေးဖြစ်ခဲ့သည် ။ မလေးစံတော်ချိန် မနက် 8နာရီကနေ ည 9နာရီခွဲသည်အထိ
ဒီအိမ်လေးထဲမှာ ကျွန်မ တစ်ယောက်တည်းနေရသည် ။ အချိန်တွေကြာလာသည်အမျှ ဒီအိမ်လေးသည် ကျွန်မအတွက်
အဖော်မွန်ကောင်းတစ်ဦး ဖြစ်မှန်းမသိဖြစ်လာခဲ့ရသည် ။ ဘယ်နေရာက ပြန်လာပါစေ ကျွန်မနေထိုင်ရာ
ကွန်ဒိုတိုက်ဝန်းထဲကို ခြေချမိ ရင်ဘဲ ကျွန်မစိတ်တွေ အေးချမ်းသွားတတ်၏ ။ မလေးရှားဆိုသည်မှာ
ပတ်စပို့( စ် ) တွေ ၊ ပါမစ်တွေ ဘယ်လိုရှိရှိ ရဲဆိုသည့် လူမျိုးတို့သည် ရစ်ချင်ရစ်တတ်သည့်
နိုင်ငံပါ ။ ခိုးယူလုယက်သူ အင်မတန်ပေါများသည့် နိုင်ငံမို့ လမ်းပေါ်ထွက်ချိန်တိုင်း
အမြဲသတိထားနေရပါသည် ။ကျွန်မစိတ်တွေ အပေါ့ပါးဆုံးအချိန်ကတော့ ကျွန်မအိမ်လေးထဲမှာ နေနေရသည့်
အချိန်တွေပါပဲ ။ ဒီအိမ်လေးထဲမှာ တစ်ယောက်ထဲနေလာလိုက်တာ
ခုဆို နှစ်နှစ်တင်းတင်းပြည့်ရော့မည် ။
သံယောဇဉ်တွေလည်း ခိုင်မာနေပြီ
။ တစ်ပတ်တစ်ကြိမ်ခါမျှသာ အပြင်ထွက်ရသည့် ကျွန်မအနေဖြင့် ဒီအိမ်လေးထဲမှာ နေသားတကျဖြစ်နေခဲ့ပြီ
။ ကျွန်မ အခန်းလေးကိုလည်း နှစ်သက်သည် ။ ဧည့်ခန်းရယ်လို့ သတ်သတ်မှတ်မှတ် ဘာမှ မရှိသော်လည်း
ကိုးကွယ်ဆည်းကပ်ရာ ဘုရားစင်လေးရယ် ၊ ကော်ဇောတစ်ချပ်ရယ်သာ ရှိနေသည့် အိမ်ရှေ့အခန်းလေးကိုလည်း သဘောကျသည် ။ ကျွန်မခင်ပွန်းသည်အတွက် အရသာရှိသော ဟင်းလျာပေါင်းစုံကို စီမံချက်ပြုတ်ပေးနိုင်သည့်
မီးဖိုခန်းလေးကိုလည်း မြတ်နိုးသည် ။ အားလုံးကို
စမတ်ကျ သန့်ရှင်းစွာ ၀တ်ဆင်နိုင်ဖို့ ကူညီပေးနေသည့် အ၀တ်လျော်စက်ထားသော ၊ အ၀တ်လှန်း ခွင့်ရသော အခန်းငယ်လေးကိုလည်း ကျေးဇူးတင်သည်
။ တခြားသူတွေ အတွက် နားခို အိပ်စက်ခွင့်ပေးထားသော အခန်းငယ်လေး နှစ်ခန်းကိုလည်း ကျွန်မ
ကြိုက်နှစ်သက်သည် ။ အနှစ်သာရပေါင်းများစွာ စီးဆင်းပျော်ဝင်နေသော ကျွန်မ အခန်းလေးရဲ့
အဓိက အားသာချက်ကတော့စာတွေအများကြီးကိုစိတ်ပါဝင်စားစွာဖတ်နိုင်ဖို့ ပေးစွမ်းစေသည့်တိတ်ဆိတ်ခြင်း
၊ ရေးချင်သည့်စာတွေကို စိတ်ချမ်းမြေ့စွာ ရေးနိုင်သည့် စိတ်ငြိမ်ခြင်း တွေပါပဲ ။
ဒီအိမ်လေးထဲမှာ ရက်ပေါင်းများစွာ
ကျွန်မတစ်ယောက်ထဲ အချိန်တော်တော်များများကို ဖြတ်ကျော်ခဲ့ရဘူးပါသည် ။ ငြီးငွေ့ခြင်းဆိုသော
ခံစားချက်လေးကို တစ်ခါတရံခံစားမိသော်လည်း များသောအားဖြင့် ချမ်းမြေ့ခြင်းတွေကိုဘဲ ပေးစေခဲ့သည်
။ ဒီအိမ်လေးထဲမှာ ကျွန်မအတွက် အမှတ်တရများစွာ ရှိနေခဲ့ဘူးသည် ။
ပထမဆုံးအမှတ်တရက ကျွန်မချစ်ခင်မြတ်နိုးရသော
မောင်ဆိုသော လူသားလေးနဲ့ တရားဝင်အကြင်လင်မယားအဖြစ် ပတ်ဝန်းကျင်က အသိမှတ်ပြုစေဖို့ ဒီအိမ်လေးကစွမ်းဆောင်ပေးခဲ့သည်
။ ဘာလို့လည်းဆိုရင် ဒီအိမ်လေးထဲမှာ ကျွန်မတို့ရဲ့ မင်္ဂလာဦးတွမ်းကျွေးပွဲလေး ၊ မင်္ဂလာဧည့်ခံပွဲလေး
နှင့်အတူ ညစာစာပွဲလေးကိုပါ ကျင်းပဖြစ်ခဲ့လို့ပါ ။
ဒုတိယတစ်ချက်အနေနဲ့ မလေးရှားနိုင်ငံကို
ရောက်ပြီး အကြောင်းကြောင်းကြောင့် အိုဗာစတေးဘ၀ဖြင့် ရှစ်လကြာနေထိုင်ခဲ့ဘူးသည် ။ ဒီရှစ်လတာကာလအတွင်း
အဆိုးရွားဆုံး ဖမ်းဆီးရှာဖွေခြင်းတွေ မလေးရှားနိုင်ငံ အနှံ့အပြားပြုလုပ်ခဲ့သော်လည်း
ကျွန်မအစစ်ဆေးတောင်မခံရအောင် ကျွန်မချစ်သည့်ဒီအိမ်လေးက ကာကွယ်ပေးခဲ့သည် ။ ဒီအိမ် ဒီတိုက်ဝန်းထဲကို
မည့်သည့်အဖမ်းဆီး အစစ်မျိုးမှ မလာခဲ့ပါဘူး ။
တတိယအချက်ကတော့ သွားရလာရအဆင်ပြေချောမွေ့စေခြင်း
၊ ဘေးပတ်ဝန်းကျင်တွင် နေထိုင်ရတာ အဆင်ပြေသော အိမ်နီးနားချင်းများကြောင့် ကျွန်မအိမ်လေးက
ကျွန်မကိုများစွာနေပျော်ခဲ့ပါသည် ။ ကျွန်မအိမ်လေးထဲမှာ ခမ်းနားထယ်ဝါသည့် ဇိမ်ခံပစ္စည်းတွေ
ရှိမနေသော်လည်း ကျွန်မချစ်တဲ့ green ဆိုသည့် ကြက်တူရွေးလေးရှိနေသည် ။ ချစ်စဖွယ် ငါးကန်လေးလည်းရှိနေပြန်သည်
။ နောက်ကျွန်မချစ်တဲ့ စာအုပ်စင်လေးရှိသည် ။ ကဲဘာလိုသေးလည်း ။ဒီအိမ်လေးအပါဝင် ကျွန်မဘ၀မှာ
အိမ်ငါးအိမ်ပြောင်းနေခဲ့ဖူးပါသည် ။ ဒီအိမ်လေးမှာ နေရတာကျွန်မအတွက် စိတ်အချမ်းမြေ့ဆုံးပါ
။ ကျွန်မအတွက် ခံစားမှု့ရသပေါင်းစုံကိုလည်း အိမ်လေးကပေးစွမ်းစေခဲ့သည် ။
အလွမ်းဆိုသည့်ခံစားချက်ကို
ဒီအိမ်လေးက ပီပြင်စွာ သရုတ်ခွဲပြနိုင်ခဲ့ပါသည် ။ အိမ်လေးထဲမှာ တစ်ယောက်ထဲရှိနေချိန်
ပျင်းပျင်းရှိလို့ ၀ရန်တာရပ်မိချိန်တိုင်း လမ်းပေါ်မှာ သွားလာနေကြသည့် မိသားစုလိုက်ပုံရိပ်တွေကို
ကြည့်မိတိုင်း ကျွန်မရင်ထဲက ပျောက်နေသည့် လမင်းလေးနှစ်စင်း
ကို လွမ်းမိသည် ။ ကျွန်မရဲ့ လမင်းလေးတွေကို မြင်ယောင်လာမိသည် ။ ဒီအမှတ်ရမှု့တွေကို
အိမ်လေးရဲ့ တိတ်ဆိတ်ခြင်းတွေက အားဖြည့်လိုက်တော့ အလွမ်းတွေ ဖွဲ့တည်လာကြပြန်တာပေါ့ ။
မိဘအရွယ်တွေကို တွေ့ရပြန်ရင် ဖေဖေနဲ့ မေမေကို လွမ်းမိပြန်သည် ။ လွမ်းခြင်းရသကို အရောင်တင်ပေးလိုက်သည့်
အိမ်လေးရဲ့ တိတ်ဆိတ်မှု့တွေကို ထာဝရ ကျေးဇူးတင်မိပါသည် ။ ဘာလို့လည်းဆိုတော့ အလွမ်းရသကို တခါခါ ကျွန်မမက်မောမိနေတာကို
။
ဒီအိမ်လေးက ပေးစေသည့် ကြည်နူးခြင်းတွေကလည်း
ချိုမိန်လို့ နေပြန်သည် ။ မောင်အလုပ်သွားချိန်တိုင်း အိမ်ရှေ့တံခါးနားထိလိုက်ပို့ပေးရသည့်
ကြည်နူးခြင်းတွေကို အိမ်လေးရဲ့ တံခါးမကြီးက ကျွန်မကိုပေးစေသည် ။ မောင်နဲ့ တူတူနေထိုင်ခွင့်တွေကို
လက်ဆောင်ပေးထားသလို မောင်ရဲ့ အကြင်နာတွေဖြန့်ကျဲ့ထားတဲ့ ဒီအိမ်လေးရဲ့ တစ်နေရာက ကျွန်မတို့အခန်းငယ်လေးကိုလည်း
မြတ်နိုးသည် ။ မောင် အလုပ်ကပြန်ချိန်တိုင်း ခေါက်တတ်သည့် အခန်းတံခါးခေါက်သံလေးတစ်ခုက
ဘာရယ်မဟုတ်ပေမယ့် ကျွန်မလိုခံစားတတ်သူအတွက် ချိုမိန်ခြင်းရသတစ်မျိုးပါပဲ ။
ခင်မင်မှု့ကိုပေါင်းကူးဆက်သွယ်စေသည့်
ရင်းနှီးခြင်းတွေကိုလည်း ကျွန်မအိမ်လေးက ပေးပါသေးသည် ။ ကျွန်မခင်မင်သိကျွမ်းရသော မိတ်ဆွေသူငယ်ချင်းများ
ကိုလည်း ဒီအိမ်လေးက နွေးထွေးပျူငှာစွာ ကြိုဆိုပေးတတ်ပါသည် ။ အိမ်ဆိုသည်မှာ နားခိုရာ
သက်သက်မဟုတ်ဘဲ ကျွန်မတို့၏ စိတ်ခံစားမှု့တွေနှင့်
ထပ်တူကျစွာ ခံစားပေးနေသည့် အကောင်းဆုံး သက်မဲ့ မိတ်ဆွေပါပဲ ။ ကျွန်မပျော်နေရင် ကျွန်မရယ်သံတွေ
စိတ်ချမ်းမြေ့ခြင်းတွေက အိမ်လေးဆီသို့ကူးစက်ကာ အိမ်လေးလည်း ပျော်နေပါလိမ့်မည် ။ ကျွန်မ
ငိုကျွေးနေလျှင် ကျွန်မငိုသံတွေ စိတ်မချမ်းမြေ့မှု့တွေ အိမ်လေးဆီသို့ ပဲ့တင်ထပ်နေမည်သာဖြစ်သည်
။
ကျွန်မ အတွက် စိတ်ချမ်းမြေ့ခြင်းတွေကို
အိမ်လေးက အပြည့်ဝ ၀န်ဆောင်မှု့ပေးစေခဲ့ပါသည်လို့ ကျွန်မ အမြဲမှတ်ယူထားသူပါ။ ခုတော့
ကျွန်မ ၀မ်းနည်းနေရပြီ ။ ညက အမျိုးသားက ပြောလာသည်
။
* အိမ်လေးက နှစ်နှစ်ကျော်ပြီဆိုတော့
သူဌေးက အိမ်ပြောင်းအုံးမှလားမသသိဘူးမိန်းမရေ ။ အိမ်အသစ်ပြောင်းရတယ်ဆိုတာကလည်း မလွယ်ပါဘူးကွာ
။ ထင်တာပြောတာပါ ။ ဆက်ငှားချင်လည်းငှားမှာပေါ့ ။ ဒါပေမယ့် ကိုယ်အပိုင်မဟုတ်တော့ ကြိုတင်တော့
တွေးထားပေါ့ကွာ *
ကျွန်မ လွန်စွာ ၀မ်းနည်းသွားသည်
။ ဟင်အင်း ကျွန်မ မပြောင်းချင်ဘူး ။ ဒီအိမ်လေးရဲ့ ထွေးနွေးလုံခြုံခြင်းတွေကိုအိမ်သစ်ဆိုသည့်အရာက
ပေးစွမ်းနိုင်မှာလား ။ မသေချာပါဘူး ။ ကျွန်မစိတ်တွေကို ကျေနပ်ခြင်းပေါင်းများစွာပေးသည့်
ဒီိအိမ်လေးကိုဘဲ ကျွန်မ ချစ်ခင်မြတ်နိုးနေမိပြီ ။ အမျိုးသားစကားဆုံးသည်နှင့် တပြိုင်တည်း
ကျွန်မသူ့နားကနေချက်ချင်း ထထွက်လာခဲ့လိုက်သည် ။ ဘာလုပ်မလို့လည်းဟု အဓိပ်ပယ်ရစေသည့်
အမျိုးသား၏ အကြည့်တွေကို ခုချိန်မှာ ဖြေရှင်းဖို့
စိတ်မပါသေးပါ ။ လောလောဆယ် ကျွန်မ ဆုတောင်းခြင်း အမှု့ကိုသာ ပြုချင်နေသည် ။ အခန်းတံခါးကို တွန်းဖွင့်လို့ အိမ်ရှေ့ခန်းဆီသို့
ဦးတည်လိုက်၏ ။ ဘုရားစင်ရှေ့အရောက်တွင် ညင်သာစွာ ထိုင်ချလိုက်သည် ။ ထို့နောက် ဘုရားရှင်ကိုယ်တော်မြတ်ကြီးကို ထိခြင်းငါးပါးဖြင့်
ကန်တော့ လိုက်ပါသည် ။ တပည့်တော် ပြုခဲ့ဘူးသော ကောင်းမှု့အစုစု၏ အကျိုးကြောင့် ယခုနေသော
အိမ်ဂေဟာလေးမှတပါး တခြားသော နေရာသို့ မပြောင်းရွေ့ရပါစေနဲ့ ဘုရား ဟု လေသံတိုးတိုးဖြင့်
ဆုတောင်းလိုက်မိသည် ။ အိမ်ရှိလူအားလုံး၏ ဆန္ဒကိုတော့ ကျွန်မ မသိပါ ။ ကျွန်မကတော့ ဒီအိမ်လေးမှတခြားမည်သည့်နေရာကိုမှ
မပြောင်းရွေ့လိုပါ ။ အဘယ်ကြောင့်ဆိုသော် ဤ ကွန်းခိုရာလေးကို ကျွန်မသိပ်မြတ်နိုးနေမိပါပြီ
။
ခိုင်လေး ( ရွှေတောင် )
